Nadvojvoda Ernest odloča v sporu med Jurijem Apphaltrerjem, sinom Marjete, vdove po Andreju Apphaltrerju in ljubljanskimi meščani zaradi meja, gmajne in gozdov imenovanih Raunik in Peze. Vse to pripada mestu Ljubljana.

Prepis iz 16. stol. v privil. knjigi Ljubljane v MALj, fol. 40′- 41. /SI ZAL LJU 488, COD XXV/
Obj.: Richter v Klunovem Archiv f. L. d. H. Krain II. und III. Heft, str. 257 – 258, št. 29; Klun, Dipl. Carn., str. 27, št. 31.

Wir Ernst von gottes gnaden erzherzog ze Osterreich, ze Steyr, ze Kärndten vnnd ze Krain, graf ze Tyrol etc. Bekennen alss vnnser getreuer Jorg Apphaltrer, an stat der erbarn Margrethen, weillendt Anndreen Apphaltrer wittib, seiner mutter ains tails vnd vnnser getrewen n.burger hie zu Laybach vnnd etlich ir mittailn des anndern, stossig miteinannder gewesen sindt vmb pymergkh, gemain, perg vnnd den vorst genant Raunik vnnd Peze vnd darumb dieselben bedtail vor vnnser zu recht gestannden sindt vnd wann mit bedertail wissen vnd willen daselbst verlassen ist, wir solten in kundtschafft darumb senden die zu beschawen vnnd die vmbsessen darumb zu hörn. Also haben wir vnnser getrewen Pauln Glogowizer vnnsern dienner vnnd Lewtolden Julbeken verweser vnser haubtmanschafft in Crain darumb in kundtschafft vnnd beschaw gesanndt, die habent dieselben gemain, perg vnnd vorst beschaut vnd die vmbsessen darumb gehört, die gesagt vnnd bestett habent, alss der trauf herab von Herttenberg gen Laybach vorhalt vnd von sand Kathrein herab von sandt Anthoni vnd gegen dem Wittikh, daz das alles gemain sey der egenanten vnserer stat vnd den dörfern iren mittailn aussgenomen was ekher vnnd wissmad darin vnnd dabey sey die zu den huben gehörnt, darin doch niemandt redet noch darnach sprichet, das ander alles sey gemain alss vorgeschriben stet vnd dien vnns vorstrecht alss ander weldt vnd gemain on geuerdt. Mitt vrkundt des briefs, geben zu Laybach an montag nach vnnser frauen tag der schidung nach Christes geburt in dem vierzehenhundertisten vnnd ainvnndzwainzigisten jare.

GZL III/41

Po privilegijski knjigi B. Otorepec