Cesar Friderik III. naroča Ulriku von Schawmberg, deželnemu glavarju in vsem deželskim sodnikom na Kranjskem na pritožbo mest in trgov naj pazijo na to, da kmetje na podeželju ne bodo trgovali in opravljali obrti, kar spada v mesta in da bodo dovažali živila v mesta.

Prepis iz 16. stol. v privil. knjigi Ljubljane v MALj, fol. 20-20′. /SI ZAL LJU 488, COD XXV/
Obj.: Richter v Klunovem Archiv f. L. d. H. Krain II. u. III. Heft, str. 272, št. 44; Klun, Dipl. Carn., str. 34, št. 47.
Prim.: Zwitter, Star. kranj. mesta, str. 51.

Wir Friderich von gotes gnaden romischer kayser zu allen zeitten merer des reichs ze Hungern, Dalmacien, Croacien etc. kunig, herzog ze Osterreich, ze Steyer, ze Karnndten vnnd ze Crain. Embieten dem edlen vnnserm lieben getrewen graf Vlrichen von Schawmberg vnserm haubtman vnnd allen vnd yegclichen vnsern landtrichtern vnnsers furstenthumbs Crain vnnser gnad vnnd alles gut. Vnns haben anbracht die erbarn weisen vnnd vnser getrewen lieben n. die von stetten vnnd markhten des obberurten vnnsers furstenthumbs Crain wie durch die paurschafft auch in demselben vnnserm furstenthum meniger hendl vnd gwerb auf dem lanndt geubt vnnd getriben, die in dieselb vnnser stet vnnd markht gehörn vnnd in auch verpotten werde was sie auf iren hueben erziehen das nicht in dieselb vnnser stet vnnd markht ze fueren, das in zu merklichem schaden khome vnnd vns an vnsern meutten vnnd camergut abganng bringe das vnns frembd bedunckhet vnnd schreiben darauf denselben vnnsern lanndtleuten darob ze sein solichs hinfur nicht mer zu beschehen vnnd das obberuert verbot abzethun nach laut vnnsers brieffs darumb ausganngen. Emphelhen wir euch ernstlich vnnd wellen, das ir darob seit das solchem vnnserm beuechlen nachganngen werde, ob das aber nicht beschache, alsdann die so das also vberfarn vnnd vngehorsamb sein werden in welchem lanndtgericht oder wo die gesessen sein, darzu haltet vnnd nöttet, sie auch vmb solch vbertretten straffet. Daran thut ir vnnser ernstliche mainung. Geben zu Graz am mittichen nach sant Lucein tag, anno domini etc. ainvnndsechzig, vnnsers kaiserthumbs im zehenden jare.

GZL III/71

Po privilegijski knjigi B. Otorepec