Cesar Friderik III. naroča ljubljanskemu škofu Žigi /Lambergu/ naj se ne vmešava v zadeve ljubljanskih meščanov in naj jim ne grozi z duhovnimi kaznimi.

Prepis iz 16. stol. v privil. knjigi Ljubljane v MALj, fol. 16-16′. /SI ZAL LJU 488, COD XXV/
Obj.: Klun, Dipl. Carn., str. 40-41, št. 53.

Friderich von gottes gnaden romischer kayser zu allen zeitten merer des reichs etc. Erwirdiger lieber andechtiger. Vnns haben die erbarn weisen vnnser getrewen lieben n.der richter, rath vnnd vnnser burger gemainclich zu Laybach anbringen lassen, wie du in in irn sachen vnnd notturfften, so sie yezuzeiten miteinannder zu tun haben, irrung tust vnnd mit dem geistlichen zwang drolich seist, dadurch sie den beruerten irn sachen nach irer notturfft vnd alls von allter herkomen vnnd pillich sey nicht auswarten mugen, des sie sich beswert bedunken. Emphelchen wir dir ernstlich vnd wellen, das du den benanten vnnsern burgern in den berurten iren sachen vnnd notturfften, was sie der ye zu zeitten miteinannder zu thun haben, kainerlay irrung tust noch sie mit dem geistlichen zwanng in vnbillich weg beswerest, sonder dich darin geen in also haltest, damit in nicht not werde vnns weitter darumb anzulangen. Daran tust du vns gut geuallen vnnd vnnser ernstliche mainung. Geben zu Graz an eritag vor sand Tomas tag des heiligen zwelfpoten, anno domini etc. sibenzigkhist, vnnsers kayserthumbs im neunzehenden jare. Dem erwirdigen Sigmunden bischofen zu Laybach vnnserm rath vnnd lieben andechtigen.

GZL III/79

Po privilegijski knjigi B. Otorepec