Kralj Maksimilijan I. pošilja Juriju Egkhu, vicedomu na Kranjskem prošnjo mesta Ljubljane zaradi gozda pri Ljubljani, z naročilom naj ne vozi iz njega lesa, ker je ta gozd za potrebe mesta in gradu.

Orig. papir v MALj; prepis v priv. knjigi Ljubljane v MALj, fol. 49′-50.
Obj.: Klun, Dipl. Carn., str. 53, št. 80.

Maximilian von gots gnaden romischer kunig etc. Getrewer lieber. Wir sennden dir hirinnen verslossen ain suplication, so vns vnnser getrewen lieben n.richter rate vnd vnnser burger gemainclich zu Laybach aines aichen vorst halben bey vnnserer stat Laybach gelegen darein du du vmb prennholtz schickhen sullest, haben furbringen lassen als du vernemen wirdest vnd emphelhen dir darauf ernnstlich, soferr die sachen lautt der selben suplication gestallt sein, daz du dann dein furnemen darinnen begriffen abstellest vnd ferrer in den berurten vorst vmb solh prennholtz nicht faren sonnder die gemelten vnnser burger denselben vorst zu vnnsers gesloss vnd stat daselbs zu Laibach notdurfftn berueblich vnd on irrung hayen lassest vnd dich hirinnen dermassen ertzaigest dadurch wir deshalben ferrer nicht angelanngt werden. Daran tust du vnnser ernnstliche maynung. Geben am eritag nach sannd Phillips vnd Jacobs der heiligen zwelifboten tag anno domini XVo vnd im dritten vnnsere reiche des romischen im achzehennden vnd des hungerischen im vierzehenden jarenn.
Comissio domini
regis in consilio

Naslov na hrbtu: Vnnserm getrewen lieben Georgen Egker vnnserm rate vnd vitzthumb in Crain

/Pečat kot zapora pisma odkrušen./

GZL IV/ 38