Vojvoda Viljem Avstrijski podeli Eberhartu Lantroppu, ljublj. meščanu in ženi Agnesi desetino v Loki, eno hubo ravno tam, eno hubo v Mengšu, en vrt pri Studencu in travnik v Depalji vasi.

Orig. perg. v MALj. /SI ZAL LJU 333-12/

Wir Wilhalm von gotes gnaden herczog ze Osterreich, ze Steyr, ze Kernden vnd ze Krain, graf ze Tirol etc. Bechennen, daz fur vns cham vnser getrewer Eberhart von Lantropp vnser burger ze Laybach vnd patt vns mit fleizz, daz wir im vnd Angnesen /!/ seiner wirtin die hernach geschriben gutter geruchten ze verleihen. Ain czehent ze Lok gelegen in Jawchaner pharr von funf huben die dritt garben ze nomen /!/ vnd ain huben dasselbs vnd ain huben ze Mangespurg vnd ain garten bey dem Prun vnd zu Dyepoltstorff ain wisen, wan die von vns ze lehen vnd ir rechts erb weren. Das haben wir getan vnd haben in die obgenanten gutter vnd czehend mit allen zugehorungen verlihen vnd leihen auch mit dem brief, waz wir in cze recht daran leihen sullen oder mugen. Also daz si vnd ir erben die von vns, vnsern brudern vnd erben in lehensrechten in haben, nuczen vnd niezzen sullen als lehens vnd landesrecht ist angeuer. Mit vrkund ditz briefs geben ze Wienn an samstag vor vnser frawntag zu der liechtmess, nach Kristi gepurd drewczehenhundert jar darnach in dem sechs vnd newnczigisten jare.

Dominus dux per dominum
Eberhardum Knoring

/Pečat odpadel./

GZL III/23

Po orig. B. Otorepec

© 2016 Zgodovinski arhiv Ljubljana. Vse pravice pridržane.

Prilagoditev pisave