Nadvojvoda Ernest sporoča Kristjanu von Arnuels, vicedomu na Kranjskem, da je do preklica dovolil bratom von Kreyg, zakupnikom deželnoknežje mitnice na Vrhniki, pobiranje mitnine pri Bistri.

Orig. papir v MALj; /SI ZAL LJU 333-22/
Obj.: Komatar v Jahresbericht ljublj. realke 1903/4, str. 21-22, št. 19.

Wir Ernst von gotes gnaden erczherczog ze Osterreich, ze Steir, ze Kernden vnd ze Krain, graf ze Tirol etc. Embieten vnserm getrewn Cristan von Arnuels vnserm vicztumb in Krain oder wer die zeit vnser vicztumb daselbs ist, vnser gnad vnd alles gut. Als mit kaufmanschafft vnd andern notdurften vnd sachen von Laybach vnd wider dahin fur Frenicz gefurn wirdt, als vns ist furkomen, dauon vns vnser mawt ze Oberlaybach, die vnser lieben getrewn Lewpolt, Conrat vnd Jan gebrüder von Kreyg in saczsweis von vns innhaben, solt geuallen. Also lassen wir dich wissen, daz wir zu demselben varn vnd strassen vnsern willen vnd gunst gegeben haben vnd daz die benanten von Kreyg oder der mawtter ze Oberlaybach ainen ze Frenicz gehaben vnd geseczen mugen, der dan die mawtt daselbs abneme vnd vessen die dan von solher kaufmanschafft, die dafür wirdt ze Oberlaybach rechtlich geuallen solt. Doch vncz auf vnser widerruffen. Dauon emphelhen wir dir ernstlich vnd wellen, daz du das also furgankch haben lassest vnd von vnsern wegen nicht werest alle die weil wir das nicht widerrüfft haben. Das ist vnser ernstliche maynung. Geben ze der Newnstat an montag vor dem aufferttag, anno domini etc. vicesimo tercio.

/Pečat izstavitelja na hrbtu listine, udarjen na papir čez vosek./

GZL III/44

Po orig. B. Otorepec