Vojvoda Friderik Mlajši prepove na pritožbo mest Ljubljane, Kranja in Kamnika trgovino na podeželju, ker škodi mestom.

Orig. papir v MALj; /SI ZAL LJU 333-25/
Obj.: Komatar v Jahresbericht ljublj. gimnazije 1903/4, str. 22/23, št. 22;
Prim.: Zwitter, Star. kranj. mesta, str. 50.

Wir Fridreich der junger von gotes gnaden herczog ze Osterreich, ze Steir, ze Kernden vnd ze Krayn, graf ze Tirol etc. Embieten vnsern lieben getrewn Josten Schenkchen von Ostrawicz vnserm haubtman, Mertten Tscharnomel vnserm vicztumb in Krayn oder wer ye kunftigklich vnser haubtman vnd vicztumb daselbs ist vnser gnad vnd alles gute. Die erbern weisen vnser getrewn lieben n.vnser burger vnsrer stett Laybach, Kraynburg vnd Stain in Krayn habent vns anbracht, wie wider solch freyhaiten vnd gnaden, damit si von vnsern vordern loblicher gedechtnuss furgesehen sein vnd begnadet, manigerlay gewerb mit kaufmanschafft, weinschenkchen, lederwerch vnd andern hanntwerchen, die sich in vnsern stetten ergeen solten, auf dem lannde bey ettleichen kirchen an vngewondleichen ennden, da das nicht von alter herkomen ist, getriben vnd geuebet werden, dadurch dieselben vnser stette vnd burger vast abnemen vnd verderben, das vns vnbillich dunkt vnd des wider derselben vnsrer burger alte rechten vnd herkomen nicht gestatten maynen. Dauon emphelhen wir ew von vnsers lieben herren vnd vettern herczog Fridreichs, herczogen ze Osterreich etc. vnd vnsern wegen ernstlich, daz ir solher newung in dhain weis nicht gestattet, sunder die obgenanten vnser burger bey iren alten briefen, rechten, freyhaiten vnd gnaden von vnsern wegen vestigklich schermet vnd haltet vnd fleissigklich sehet, daz in dawider yemander nicht ingriff tu noch newung mache. Das ist vnser ernstliche maynung. Geben ze Grecz vnder vnserm secret, an freytag vor sand Valentins tag des heiligen marttrer, anno domini millesimo quadringentesimo tricesimotercio.

Dominus dux in consilio.

/Mali pečat izstavitelja na hrbtu listine./

GZL III/47

Po originalu B. Otorepec

Opomba:
Objavljena v Božo Otorepec, Dragan Matić, Izbrane listine Zgodovinskega arhiva Ljubljana (1320-1782), Transkripcije z regesti in komentarji, Ljubljana 1998, str. 45-46.