Cesar Friderik III. naroča grofu Ulriku von Schawmberg, deželnemu glavarju na Kranjskem, na pritožbo ljubljanskih meščanov, naj gmajno okoli mesta, ki jo je oddal kmetom v zakup, zopet vrne le-tem, da bodo mogli tuji trgovci pasti živino.

Prepis iz 16. stol. v privil. knjigi Ljubljane v MALj, fol. 37′-38. /SI ZAL LJU 488, COD XXV/
Obj.: Richter v Klunovem Archiv f. L. d. H. Krain II. u. III. Heft, str. 268-9,
št. 39; Klun, Dipl. Carn., str. 32, št. 42.

Wir Friderich von gottes gnaden romischer kayser zu allen zeitten merrer des reichs, zu Hungern, Dalmacien, Croacien etc. kunig, herzog zu Osterreich, zu Steyer, zu Karndten vnnd zu Krain. Embieten dem edlen vnserm lieben getrewen graf Vlrichen von Schawmberg vnserm haubtman in Krain vnser gnad vnnd alles gut. Die erbarn weisen vnser getrewen lieben n.der richter, rath vnnd vnnser burger gemaingclich zu Laybach haben vns anbringen lassen, wie in ir gemain allenthalben vmb dieselb vnser stat ingefanngen vnnd verzeunt vnd an etlichen enden der paurschafft vmb zins ausgelassen werde, das wir /prav: wider/ alts herkomen sey, dardurch sie vnnd annder die mit irer kaufmanschafft derselben vnnser stat notturfft zufuern dest mynner darkomen, nachdem sie mit irem viech nicht waid gehaben mugen, des sie sich beschwert beduncken, darumb wir dann vormals graf Stephan von Modrusch vnnserm haubtman dieselb zeit in Crain auch geschriben haben. Emphelhen wir dir ernstlich vnnd wellen, das du solch infenng vnnd zeun an der bemelten gemain allenthalben abprechen vnd vernichten lassest vnd was der vmb zins dauon verlassen ist auch muessig machest, damit dieselb gemain gannz ledig vnnd die denselben vnsern burgern gehalten werde als von alter herkomen ist vnnd die Hungern vnd annder handlund leut mit irem viech waid darauf gehaben vnd notturfft zu derselben vnser stat dest pas gefurn mugen. Daran thust du vnser ernstliche maynung. Geben zu Wienn an mittichn vor sant Jacobs tag im snytt, anno domini etc. sechzig, vnsers kaiserthumbs im neundten jare.

GZL III/65

Po privilegijski knjigi B. Otorepec