Cesar Friderik III. naroča prelatom in plemstvu na Kranjskem naj prepovedo trgovino svojim podložnikom na deželi, ker so se mesta in trgi zaradi tega pritožili.

Prepis iz 16. stol. v privil. knjigi Ljubljane v MALj, fol. 20′-21. /SI ZAL LJU 488, COD XXV/
Obj.: Klun, Dipl. Carn., str. 33, št. 45.
Prim.: Zwitter, Star. kranj. mesta, str. 51.

Wir Friderich von gottes gnaden romischer kayser zu allen zeitten merer des reichs, zu Hungern, Dalmacien, Croacien etc. kunig, herzog zu Osterreich, ze Steyer, ze Kernndten vnnd ze Krain. Embieten den ersamen andechtigen vnnd vnnsern lieben getrewen n.allen prelaten vnnd den vom adl vnnsers furstenthumbs Crain vnnser gnad vnnd alles gut. Vnns haben anbracht vnnser getrewen lieben die von statten vnnd markhten desselben vnsers furstenthumbs Crain, wie durch die paurschafft auf dem lanndt meniger kaufmanschafft vnnd hendl geubt vnnd getriben werden, die in merklichen schaden an irren narrungen, freyhaiten vnnd herkomen bringen vnnd dieselben vnser stet vnnd markht dadurch geödt werden das vnns frembd beduncket. Emphelhen wir ew ernstlich vnd wellen, das ir bey selben ewren leuten vnnd paurschafft darob seit, das sie solch hendl vnnd gewerb nun hinfur nicht mer vben noch treiben, sonnder die bey denselben vnnsern steten vnnd markhten beleiben lassen, als von alter ist heerkomen, welch auch dawider thetten wer oder in welchen gerichten oder gebietten die wern, die darumb straffet. Daran thut ir vnnser ernstliche mainnung. Geben zu Graz an erichtag nach sanndt Lucien tag, anno domini etc. ainvnndsechzig, vnnsers kaiserthumbs im zehenndten jaren.

GZL III/68

Po privilegijski knjigi B. Otorepec