Cesar Friderik III. naroča sodniku, svetu in meščanom Ljubljane naj izvolijo 100 oseb »zu genanten«, ki naj potem volijo iz svoje srede mestnega sodnika in svet.

Prepis iz 16. stol. v privil. knjigi Ljubljane v MALj, fol. 14-14′, št. 27. /SI ZAL LJU 488, COD XXV/
Obj.: MHVK 1852, str. 91, št. 27 /reg./; Klun, Dipl. Carn., str. 41, št. 54; Schwindt-Dopsch, Ausgewählte Urkunden, str. 402, št. 212.
Prim.: Zwitter, Star. kranj. mesta, 35.

Friderich von gottes gnaden romischer kaiser zu allen zeit merer des reichs etc. Erbarn weysen getrewen lieben. Vnns lanngt an wie in der wal richter vnnd rats so in vnnser stat Laybach furgenomen etwas vnordnung praucht werde das vnns nicht geuellt nachdem dardurch an derselben vnnser stat zeruttung vnnd irrsall aufersteen mecht vnnd die geschefft vnnd hanndlung bey derselben vnnser stat merklich versaumbt vnnd verhindert, damit aber solches kunfftigclich vermuten vnnd gut ordnung gehalten werde, emphelchen wir ew ernstlich vnnd wellen das ir furderlich hundert die teuglich sein aus ew zu genanten erwellet die hinfur gannzen gewalt vnnd macht haben sollen richter vnnd rat aus in vnnd anndern vnsern burgern daselbs zw Laybach zuerwellen, auch von in gelubt aufnemet daz sie das also trewlichen hanndlen vnnd alweg die teuglichisten darzu nemen wellen vnnd mit solcher wal vnd ordnung so man am negsten richter vnnd ratt erwellen wirdet anfahen, wo sie aber vnteuglich darzu erwellen wurden, so haben wir vnnsern lieben getrewen Sigmunden von Sebriach vnnserm rath vnnd haubtman vnnd Jergen Rainer vnserm vizdomb in Krain geschriben vnnd beuolchen an derselben stat, so nicht teuglich sein, annder so sie darzu am fuglichisten bedunkhen ze nemen, damit zwitrecht vnnd irrung in derselben vnnser stat vermiten beleiben, gut ordnung gehalten vnnd den geschefften vnnd hadlungen daselbs zu Laybach dester pass vnd ordennlicher ausgewart mug werden. Geben zu der Newnstat an phinztag vnnser lieben frawen tag visitationis anno domini etc. zwayvnndsibenzig vnnsers kaiserthumbs im ainvnndzwainzigisten jare. Den erbarn weisen vnnsern getrewen lieben n.dem richter rath vnnd vnnsern burgern gemainclich zu Laybach.

GZL IV/2

Po privilegijski knjigi B. Otorepec