Cesar Friderik III. zapove deželnemu glavarju na Kranjskem Sigm. von Sebriach naj zaradi pritožbe sodnika in sveta v Ljubljani opozori ljubljanskega škofa Sigmunda, da bo naročil duhovščini, ki ima hiše v Ljubljani na opravljanje služnosti mestu. Enako naj naroči tudi plemstvu.

Prepis iz 16. stol. v privil. knjigi Ljubljane v MALj, fol. 7, št. 11. /SI ZAL LJU 488, COD XXV/
Obj.: Klun, Dipl. Carn., str. 43, št. 58.
Prim.: Zwitter, Starejša kranjska mesta, str. 42; S. Vilfan, Zgodovina neposrednih davkov v ZČ VI-VII, str. 421.

Fridreich von gottes gnaden römischer khayser etc. Lieben getrewen. Vnnss haben die erbarn weisen vnnser getrewen lieben der richter vnnd der rath zu Laybach anbringen lassen wie die briesterschafft vnnd die vom adel meniger heuser in vnnser stat Laybach haben vnnd aber dauon mit in weder in wachten zirgk noch in annder weg nicht mitleiden wellen, des sie sich, nachdem yez die leuff der Turgken halben weilbertig vnnd sorgfeltig sein, beswert vnnd vnns frembd bedunckhet, emphelchen wir ew ernstlich vnnd wellen das ir bey dem erwurdigen Sigmunden bischofen zu Laybach vleis habt daz er bey derselben briesterschafft darob sey und bestelle das sie von denselben iren heusern mit derselben vnnser stat mit wacht zirgkh vnnd in annder weg mitleiden ir auch bey den vom adl so daselbs zu Laybach hewser haben darob seit daz sie das von iren heusern auch tun vnnd sicht des nicht sezen damit die stat destpass behut vnnd bewart werde. Daran thut ir vnnser ernnstliche mainung. Geben zu der Newnstat an freitag vor dem heilligen pfinztag anno domini etc. im sechs vnnd sibenzigisten vnnsers khaiserthumbs im funffvnndzwainzigisten jare. – Vnnserm lieben getrewen Sigmunden von Sebriach vnnserm rath vnnd haubtman vnnd Caspern Hawnspeckh vnnserm vitzdomb in Krain.

GZL IV/7

Po privilegijski knjigi B. Otorepec